Петропавлда өрттен ерлі-зайыпты ажал құшты
"Ракета" бау-бақша қауымдастығындағы саяжайлардың бірінен өрт шыққан.
11:57 20.06.2019
Петропавлда саяжайдағы өрт салдарынан ерлі-зайыпты қаза болды, деп хабарлады Солтүстік Қазақстан облысының төтенше жағдайлар департаментінің басқарма бастығы Игорь Балеев брифингте. Осы аптада сәрсенбіге қараған түні Петропавл шетіндегі "Ракета" бау-бақша қауымдастығында орналасқан саяжай үйлерінің бірінен өрт шыққан. Оқиға орнында екі адамның денесі табылыпты.
"Ерлі-зайыпты – 1978 жылы туған ер мен әйел тұрмыстық газ құрылғысын пайдалану кезінде қауіпсіздік ережесін бұзу салдарынан көз жұмды", - дейді Балеев.
Оның айтуынша, саяжай учаскелерінде өрт жиілеп кетті. Жыл басынан бері сегіз үй-жай өртеніп, үш адам қаза болған. Айта кетсек, 2019 жылдың басынан бері өңірде 369 өрт болды. Құрбандар саны – 24 адам.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
