Жаппай наразылық білдіргендер парламент ғимаратына шабуыл жасады
Жаппай наразылық білдіргендер парламент ғимаратына шабуыл жасады
09:05 21.06.2019
Митингілерден соң құқық қорғау органдары қатысушыларды ұстай бастады.
Тбилисидегі митингіге Госдума депутаты Сергей Гавриловтың Парламентаралық православие ассамблеясы президенті ретінде Грузияға келуі төңірегіндегі ахуал себеп болды. Тбилиси полициясы Грузия парламентінің алдына жиналған көтерілісшілерді тарату үшін резеңке оқ пен көзді жасаурататын газ қолданды.
Жаппай наразылық 20 маусымда Ресей делегациясының Православие парламентаралық Бас ассамблеясына қатысуына байланысты басталды. Делегацияны басқарушы және АСМ басшысы РФ мемлекеттік думасының депутаты Сергей Гавриловтың сессия кезінде Грузия парламенті спикерінің креслосына отырып, жиналғандарға орыс тілінде сөйлегені оппозицияның наразылығын тудырған, деп жазады ҚазАқпарат. Грузияның оппозициялық депутаттары мұны қорлау деп бағалап наразылықтарын білдіріп, Бас ассамблеяның жұмысын тоқтатты.
Еuronews мәліметінше, шерушілер Грузия ІІМ басшысы Георгий Гахария мен спикер Ираклий Кобахидзенің отставкаға кетуін, сондай-ақ кезектен тыс парламент сайлауы өткізілуін талап етіп, парламент ғимаратына бірнеше рет шабуыл жасаған. Грузия Ішкі істер министрі Георгий Гахария шерушілерді полицияға бағынуға шақырды.
«Мен ең алдымен алаңда тұрған әр азаматты, мүмкін олар әділетті наразылық білдіріп тұрған болар, полиция талаптарына бағынуға шақырамын. Мұнда болып жатқанның барлығы мемлекеттік институттарға шабуыл саналады», - деді ол бейсенбі күні журналистерге берген сұхбатында.
Грузия Денсаулық сақтау министрлігінің мәліметінше, барлығы 52 адам зардап шеккен, олардың 38-і - полиция қызметкерлері. Кешкісін С.Гаврилов және басқа да Мемлекеттік думаның депутаттары Тбилисиден ұшып кетті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
