Қарағандылық ақша айырбастау пункінде істейтін сүйіктісін тонап кетті
Қарағанды тұрғыны ақша айырбастау пункінде кассир боп істейтін қызды өзіне ғашық етіп, бірнеше кездесулерден соң тонап кеткен.
13:11 23.07.2019
Кездесу барысында ер адам ақша айырбастау пунктіндегі барлық құпияларды қыздан сұрап біліп алады. Ал ол болса, ғашығына мекемеде қанша күзетші істейді және ақша қайда жатқанына дейін айтып берген. Түнгі уақытта жігіті оны өтірік айтуға итермелеп, жұмыс орнындағы есікті қағуға мәжбүрлейді.
Әріптесіне кішкене қызының өміріне қауіп төніп тұрғанын айтып, есікті ашқызады. Сол сәтте жігіт кезекші кассирдің бетінен ұрып құлатады. Қылмыскер сүйіктісін пышақпен қорқытып, оған сейфті аштырады. Сөтіп ол жерден 3 млн 902 мың 300 теңге, 952 доллар, 2 мың 650 еуро және 120 мың 300 рубль алып, ізін суытқан.
«Деревцов Сергейге 11 жыл 6 айға бас бостандығынан айыру жазасы тағайындалды, - деді Қарағанды облысы қылмыстық істер жөніндегі мамандандырылған ауданаралық сотының төрағасы Шәріп Сисімбаев.
Осы жазаға Қарағанды қаласы Қазыбек би аудандық сотының 2012 жылғы 10 желтоқсандағы үкімімен 6 айға бас бостандығынан айыру түріндегі жазасы өтелмегенін анықтап, оны 12 жылға бас бостандығынан айырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
