{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Өскеменде жоғалып кеткен қыз табылды
Өскеменде жоғалып кеткен жасөспірім қыз аман-есен табылды.
12:06 09.08.2019
Полиция мен Ұлттық ұлан қызметкерлері жүргізген іздеу жұмыстары тура бір тәулікке созылды. Еске сала кетсек, Өскемен қаласының Есенберлин көшесі, 4 «А» мекенжайында тұратын, 12 жастағы Жанерке Қанапиянова үйінен шығып кетіп, қайта оралмағаны хабарланған болатын. Оны іздестіру жұмыстары ұйымдастырылып, іздеу шараларына Өскемен қалалық Полиция басқармасының жеке құрамы мен Ұлттық ұланның 60 әскери қызметкері жұмылдырылды.
Құқыққорғаушылар мен Ұлттық гвардия қызметкерлері Өскемен қаласының 19-шы шағынауданында іздеу жұмыстарын жүргізіп, жергілікті тұрғындардан сұрастырған. Бүгін ШҚО Полиция департаментінің баспасөз қызметі қыз бала дін аман табылғанын мәлім етті.
«Жасөспірімді іздестіру жұмыстары сәтті аяқталды. Ол табылды. Қыз баланың өзі түсіндіргендей, ол осы уақытқа дейін өзі тұрған үйінің шатырында тығылып отырған. Анасымен ұрысып қалғаннан кейін, үйінен кетіп қалған. Баланы медициналық қызметкерлер тексеріп, өміріне ешқандай қауіптің туындап тұрмағанын анықтады», - делінген департаменттің хабарламасында. Қазіргі уақытта істің мән-жайын Жасөспірімдер ісі жөніндегі полиция тексеріп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
