Қостанайда полицейдің кесірінен ірі жол апаты болды
Қостанайда тәртіп сақшысының қатысуымен болған жол-көлік апатына қатысты қызметтік тексеріс басталды.
01:31 23.09.2019
Полиция департаменті баспасөз қызметінің мәліметінше, оқиға бүгін Мәуленов-Досжанов көшелерінің қиылысында болған.
«22 қыркүйек күні түнгі сағат 3.43-те полиция қызметкері мінген Mitsubishi Outlander көлігі жол қиылысында 32 жастағы жүргізушінің ВАЗ-2110 көлігімен соқтығысқан. Соққы салдарынан «Ваз 2110» көлігі алдында тұрған «Ваз 2107» көлігіне зақым келтірген. Нәтижесінде «ВАЗ-2110» автокөлігінің 36 жастағы жолаушысы жарақат алды. Оған тізесінің жабық сынуы диагнозы қойылды. Ол бірден қалалық ауруханаға жеткізілді», – делінген полицияның ақпаратында.
Қазір осы дерек бойынша қызметтік тексеріс жүргізіліп жатыр. ҚР ҚК 345-бабының 1-бөлігі «Көлік құралдарын басқаратын адамдардың көлік құралын пайдалану кезінде жол қозғалысы ережелерін бұзуы» бойынша сотқа дейінгі тергеу басталды. Сонымен қатар, барлық жүргізушіге қанда алкогольдің бар-жоғына сараптама тағайындалды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
