Көлік жарылып, бір адам қаза тауып, 2 адам жараланды
6 қарашада түнгі сағат 22:00 шамасында Киевтің Святошинск ауданында "Мерседес" көлігі жарылып, бір адам қаза тапты, екі адам жараланды.
11:45 07.11.2019
Куәгерлер сөзіне сүйенген жергілікті басылымдардың жазуынша, мотоцикл айдаған белгісіз адам көліктің жолаушылар мінетін жағынан барып, жарылғыш зат тастап, қашып кеткен. Содан кейін көлік жарылған. Полиция "мотоциклистің қатысы болуы мүмкін" деді.
Интернетте жарияланған видеодан көліктің төбесі жарылғаны, әйнегі шытынап кеткені көрінеді. Полиция күдіктіні ұстау үшін арнайы операция жүргізді.
Құпия дереккөзге сүйенген "Киев Оперативный" порталы жарылған көліктің дәрі-дәрмек компаниясының директоры Игорь Салоға тиесілі екенін хабарлады. Оқиға кезінде оның күзетшісі қаза болған. Нақты кімдердің жараланғаны белгісіз. Полиция тергеуді жалғастырып жатыр.
Дереккөз: azattyq.org
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
