Алматыда балалар үйінің тәрбиеленушісі жоғалып кетті

Бала төрт күн бойы Алматыда іздестірілуде. Қаланың полиция бөлімі Артурдың жоғалып кеткені туралы мәлімдемені оңтүстік астананың ювеналды полициясына 17 қарашада түскенін атап өтті. Жоғалған баланың тәтесі тәртіп сақшыларына көмек сұрады. Осы жылдың басынан бері Артурдың отбасында үлкен қайғылы жағдай орын алғандықтан, бала «Жанұя» балалар үйінде болғандығы белгілі. Баланың ата-анасы қайтыс болды.

Демалыс күндері ол тәтесімен жиі кездесетін. Өткен демалыс күндері Артурдың туысы оны тағы да өзіне алып кетті. Ол баланы 15 қарашада балалар үйінен алып кетті. Ал 17-де, бала қайтадан мекемеге оралуы керек болған кезде, әйел Артур қашып кеткенін айтты.

Ювеналды полиция хабар түскеннен кейін тез арада іздеу жұмыстары басталып кеткенін жеткізді. 2008 жылы туған Артур Федоровты іздеу жұмыстарына криминалдық және ювеналды полиция қызметкерлері, сондай-ақ учаскелік инспекторлар кірісті. Оларға «Қоғам» қорының қоғамдық белсенділері қосылды.

Жоғалған бала туралы ақпараттар әлеуметтік желіде пайда болды. Артур сұр түсті жемпір, қоңыр спорт киімі немесе ақ жеңді көк спорт киіммен соңғы рет болды. Ерекше белгілері: баланың бетінде секпіл, сондай-ақ, саусақтың ізіндей туғаннан дақ бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!