Мамандар телефонды қай жерде зарядтауға болмайтынын айтты
Соңғы кезде қоғамдық жерлерде телефонды зарядтауға арналған орындар көбейіп келеді.
08:51 09.01.2020
Алайда мамандар мұндай USB-ді қолдану қауіпті болуы мүмкін екенін айтып отыр. Олар арқылы телефонның ішіндегі мәліметтерді алып, вирустық бағдарламалар жүктеуге болады. Group-IB компаниясының компьютерлік криминалистика зертханасы жетекшісінің орынбасары Сергей Никитин стандартты USB кабельде төрт сым болатынын айтты. Екеуі мәлімет алмасу, біреуі тоқ беру ("фазасы" әдетте 5 вольт), соңғысы — "нөл".
"Кез келген гаджетті USB арқылы зарядтау үшін "нөл" және 5 вольттік сымдар жеткілікті. Ал мәлімет алмасуға арналған сым қолданылмауы керек. Өйткені оның көмегімен зарядтау құрылғысына шағын компьютер қосуға болады. Яғни сіз телефонды зарядтауға қойғанда, ол өзге құрылғыға қосылып кетуі мүмкін", - деп ескертті маман.
Осылайша алаяқтар зарядталып тұрған телефонды шағын компьютер арқылы басқарып, телефонға арнайы код жібере алады. Сол код арқылы телефонды басқарады.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
