Қарағанды маңындағы апатта зардап шеккендердің жағдайы белгілі болды
Қарағанды маңында апатқа ұшыраған МиГ-31 ұшағындағы әскери ұшқыштардың жағдайы белгілі болды.
09:20 17.04.2020
Бұл туралы Қарғанады облысының денсаулық сақтау басқармасының басшысы Ержан Нұрлыбаев айтып берді.
"Айтқанымыздай жағдайлары орташа ауырлықта. Ұшқыштардың қимыл-тірек аппаратына зақым келген, бас миының шайқалуы, жеңіл күйіктер секілді жарақаттар алған. Оларға толығымен тексеріс жасалып, енді ем шаралары тағайындалды. Пилоттардың жай-күйі тұрақты деп айтуға болады", - деді басқарма басшысы.
Еске салайық, бұған дейін Қарағанды облысында әскери ұшақ апаты орын алған еді. Қазір аталған жайт бойынша тексерістер жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
