Алматыдан еліміздің төрт қаласына ұшақ қатынай бастайды
Рейстерде санитарлық талаптар күшейтіледі, ұшақ салонында аз жолаушы болады және олардың арасында ара қашықтық сақталады.
09:06 30.04.2020
Төтенше жағдай режимін қамтамасыз ету жөніндегі мемлекеттік комиссияның шешімімен 4 мамырдан бастап Нұр-Сұлтан мен Алматыдан бірнеше қалаға әуе рейсі қайта жанданады.
"4 мамырдан бастап Нұр-Сұлтан мен Алматыдан Қызылорда, Петропавл, Өскемен және Семей қаласына ұшуға болады. Рейстерде санитарлық талаптар күшейтіледі. Сонымен қатар ұшақ салонында аз жолаушы болады, жолаушылар арасында белгілі бір қашықтық сақталады", - делінген ақпаратта.
Бұған дейін 1 мамырдан бастап Нұр-Сұлтан мен Алматы қаласы арасында әуе рейсі іске қосылатыны хабарланған еді.
Қазақстанның бас санитар дәрігерінің шешіміне сәйкес, әуе қозғалысы кезінде барлық санитарлық талаптар сақталуы керек. Ұшақ жолаушыларына қойылатын негізгі талап – коронавирус жоқ екенін дәлелдейтін анықтаманың болуы. Сонымен қатар жолаушылар міндетті түрде медициналық бетперде тағып, бір-бірінен қашық отыруы тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
