{metadescription}

Алматы облысында 4 жасар бала велосипед теуіп жүріп, жоғалып кеткен

Алматы облысы Жамбыл ауданы Ұзынағаш ауылының орталық көшелерінің бірінде патрульдік полиция қызметкерлері өз үйін таба алмай, жылап жүрген баланы кездестірген.

10:27 12.05.2020

Алматы облыстық Полиция департаменті баспасөз қызметінің мәліметінше, тәртіп сақшылары сәбиді тыныштандырып, аудандық полиция бөліміне алып келген. Ол жерде оны шаймен, тортпен тамақтандырып, артынша ата-анасын іздестіруді ұйымдастырған. Баланың отбасы Ұзынағаш ауылының шетінде тұратыны анықталды.

«Нәтижесінде біз баланың 29 жастағы анасын таптық. Төрт жасар бала велосипед теуіп жүріп, ата-анасынан алысқа кетіп қалғаны анықталды. Бала үйінің орналасқан жері мен ата-анасының есімдері туралы еш нәрсе айта алмады. Дегенмен, патрульдік полиция қызметкерлері анасының жеке басын анықтады. Бұл орайда, ұлын іздестіре бастаған ана да сәбиі мен біздің қызметкерлерімізді көріп, қатты қуанды», - дейді Алматы облысы Жамбыл аудандық полиция бөлімінің бастығы Асхат Тегенбаев.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!