Ақтөбеде 10 жасар бала өзінің туған күнінде суға батып кетті
Aнасы төрт баласымен өзенге келіп, екі баласының қалай суға кеткенін байқамаған.
16:07 13.06.2020
12 маусым шамамен сағат 17:10-да К.Нокин даңғылында орналасқан “Жабайы” жағажайы маңында “Елек” өзенінде 2010 жылы туған кәмелетке толмаған бала табылып, ол медициналық көмек көрсету кезінде көз жұмды.
Анықталғандай, анасы төрт баласымен өзенге келіп, екі баласының қалай суға кеткенін байқамаған. Құтқарушылар мен өзен жағасындағы адамдар балаларды судан алып шықты, алайда 10 жастағы баланы құтқара алмаған, ал 12 жастағы ағасын жан сақтау бөліміне жеткізілді.
"Ауа райының ыстық болуына байланысты жазғы кезеңде балалардың су жағажайларында қаза болуына жол бермеу мақсатында ата-аналарға табиғи және жасанды су жағажайларында өзін-өзі ұстау ережелері туралы түсіндіру жұмыстарын жүргізу туралы өтініш білдіреміз. Бұл сіз балаңызға судағы қайғылы оқиғалар туралы ескертіңіз. Ағымдағы жылдың басынан бері бұл суға батып кеткен екінші бала", – деді Ақтөбе облысы ПД бастығы Атығай Арыстанов.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
