«Рахат» кондитерлік фабрикасының жұмысы тоқтатылды
Фабриканың 1 450 қызметкері тест тапсырған, нәтижесінде коронавирус жұқтырған, бірақ ауру белгілері жоқ науқастар анықталды.
10:22 14.06.2020
«Рахат» кондитерлік фабрикасы жұмысын уақытша тоқтатты, өйткені кәсіпорын қызметкерлері арасында коронавирус жұқтырғандар анықталды.
«Коронавирус инфекциясын жұқтырғандардың анықталуына байланысты «Рахат» кондитерлік фабрикасының жұмысы тоқтатылғанын хабарлаймыз», - делінген хабарламада.
Әуелі температурасы жоғары сегіз адамды жұмысқа кіргізбеген. Одан кейін қызметкерлерді жаппай тестіден өткізе бастайды, жалпы 1 450 адамды тексерген.
«Инфекция жұқтырғандардың көпшілігінде ауру белгілері жоқ», - деп хабарлады Алматы әкімдігі.
Кәсіпорын қызметкерлері үй карантиніне жіберілген.
«Фабрика әкімшілігі жұмысты 15 маусымға дейін тоқтату шешімін шығарды», - деп қосты әкімдіктегілер.
Фабрика жұмысын эпидемияға қарсы іс-шараларды толық өткізгенше дейін уақытша тоқтату туралы қаулы берілген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
