Шығыс Қазақстанда көлік апатынан екі адам көз жұмды
ШҚО-да көлік апатынан екі адам ажал құшып, бесеуі ауруханаға түсті.
09:48 16.06.2020
Мәліметке сай, оқиға 15 маусым күні 16:05-те «Омск-Майқапшағай» тасжолында болған. «Мазда» маркалы көліктің жүргізушісі Шар қаласынан 15 шақырым жерде қарсы бетке шығып кетіп, «Тойота Королла» көлігімен бетпе-бет соқтығысқан. Апаттан 45 жастағы «Мазда» көлігінің жүргізушісі мен осы көлікте болған 65 жастағы жолаушы әйел тіл тартпастан жан тапсырған.
«Тойота Королла» көлігінің жүргізушісі мен онда болған 4 жолаушы түрлі жарақаттармен ауруханаға жеткізілді. Осы фактіге байланысты ҚР ҚК 345-бабы 4-бөлігі бойынша сотқа дейінгі тергеу басталып, бірқатар сот сараптамасы тағайындалды» делінген ШҚО ІІД баспасөз қызметі таратқан хабарламада.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
