Қаржы министрі Ерұлан Жамаубаев карантинге кетті
ҚР Қаржы министрі Ерұлан Жамаубаев коронавирус жұқтырған науқаспен байланыста болғаны үшін карантинге кетті.
12:08 18.06.2020
Бұл туралы министрліктің баспасөз қызметі хабарлады. Олардың сөзінше министрдің коронавирусқа тапсырған тестілеуі теріс нәтиже көрсеткен. Қаржы министрлігі басшысының міндетін атқарушы вице-министр Татьяна Савельева болды. Ол бейсенбі күні Қазақстан Сенатында баяндама жасады.
Бұған дейін Қазақстанда коронавирусты денсаулық сақтау министрі Елжан Біртановтың жұқтырғаны белгілі болды. Біртанов үкімет басшысы Асқар Маминмен, Білім және ғылым министрі Асхат Аймағамбетовпен, Ауыл шаруашылығы министрі Сапархан Омаровпен, ҚР Экология, геология және табиғи ресурстар министрі Мағзұм Мирзағалиевпен және Жамбыл облысының әкімі Бердібек Сапарбаевпен байланысты болғандықтан, министрлер оқшауланып, үйден жұмыс істеп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
