Нұр-Сұлтанда ауқымды дезинфекция жүргізіліп жатыр
Ең алдымен, халық көп жиналатын орындар – саябақтар, аялдамалар, алаңдар, автобустар дезинфекцияланады.
16:05 21.06.2020
Нұр-Сұлтан қаласында ондаған дезинфектор, оның ішінде әскерилер және өрт сөндірушілер тағы бір ауқымды дезинфекция жүргізіп жатыр. Алдымен адам көп жиналатын, инфекцияның таралу ошағы болуы мүмкін орындар өңделеді:
- саябақтар,
- алаңдар,
- аялдамалар,
- автобустар,
- қоғамдық орындар және т.б.
Сондай-ақ, қаланың санитарлық дәрігерінің бұйрығына сәйкес, сауда орталығы, базарлар және басқа да қоғамдық орындарда дезинфекция жүргізіледі.
"Инфекция қаупі жойылған жоқ, жұқтырғандар да, қайтыс болғандар саны да өсуде. Егер бұрын адамдар COVID-19 туралы тек жаңалықтан білсе, қазір бұл инфекциямен туыстарының немесе достарының біреуі ауырып қалғанда, жақын байланыста болғандар тізіміне енген кезде бетпе-бет келеді. "Карантиндік демалыс" деп аталатын екі күн инфекцияның таралуын баяулатады. Қатаң санитарлық-эпидемиологиялық нормаларды сақтау керек! Себебі санитарлық нормалардың сақталмауы науқастар санының көбеюіне әкеледі", – деп ескертті астананың санитарлық дәрігері Жанна Пірәлиева.
Еске салсақ, 20-21 маусымда қаланың тұрмыс-тіршілігін қамтамасыз ететін нысандарды, дәріханалар мен үй жанындағы азық-түлік дүкендерін қоспағанда, қоғамдық көліктер мен барлық кәсіпорынның жұмысы тоқтатылды. Барлық қоғамдық орын жабық: саябақтар, алаңдар, жағалаулар, жағажайлар және басқа да халық көп жиналатын орындар.
Қалада демалыс күндері тұрғындардың жүріп-тұруы шектелген, тек өз автокөлігімен жұмыс орнына дейін (жұмыстан анықтамасы болуы тиіс) баруға, жақын маңдағы дәріханалар мен азық-түлік дүкендеріне шығуға, медициналық қызмет алуға ғана рұқсат етіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
