Елордада мас әйел көлігімен 2 жасар бала мен екі қызды қағып кетті
Нұр-Сұлтан қаласында мас әйел үш адамды көлігімен қағып кетті.
09:19 23.06.2020
Қалалық полиция департаментінің хабарлауынша,22 маусымда кешкі сағат 21.03-да Mazda маркалы көлікті тізгіндеген әйел Бейсеков көшесі жағынан Қосшығұлұлы көшесімен келе жатып, жолдың қарсы бетіне шығып кеткен.
«Осыдан кейін ол жаяу адамдар жүретін жолда 2001, 2002 және 2018 жылы туған үш адамды қағып кетті. Зардап шеккен 19 және 18 жастағы бойжеткендер мен 2 жасар сәби әртүрлі дене жарақатымен ауруханаға жеткізілді. Көлік жүргізушісі орта дәрежеде мас болған», - делінген департаменттің хабарламасында.
Аталған факт бойынша ҚР Қылмыстық кодексінің 345-бабы бойынша сотқа дейінгі тергеу амалдары жүргізіліп жатыр. Ұсталған әйел уақытша оқшаулау орнына қамалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
