Қарағандыда күзет агенттігінің көлігіне қарулы шабуыл жасалды
Қарағандыда қаруланған екі белгісіз адам күзет агенттігінің көлігіне шабуыл жасады.
14:42 25.06.2020
Жол-көлік оқиғасын әдейі ұйымдастырған қарақшылар, көлік шіндегі адамдарға қару кезеніп, автокөліктегі ақшаны алып кеткен. 25 маусым сағат 10.40-та Қарағанды қаласы Складская көшесінде «ВАЗ 2110» көлігіне мінген екі белгісіз адам «Лада Гранта» автокөлігімен жол-көлік оқиғасын ұйымдастырған. Автокөлік қаладағы күзет агенттіктерінің біріне тиесілі. Қылмыскерлер 24 жастағы күзетшінің ақшасы мен қаруын алып кеткен.
«Осы факт негзінде ҚР ҚК 192-бап, 2-тармағы бойынша сотқа дейінгі тергеу басталды. «Сирена» жоспары жарияланды. Жедел-іздестіру шаралары жүргізіліп жатыр», - деп хабарлады Қарағанды облыстық Полиция департаменті.
Күдіктілерді анықтап, оларды қолға түсіруге облыстың ішкі істер органдарының барлық жеке құрамы жұмылдырылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
