Ақтауда екі пәтер өртеніп, 50 адам қауіпсіз жерге көшірілді
Ақтаудағы 11 шағынаудандағы 19-үйде екі пәтер өртеніп, 50 шақты тұрғын қауіпсіз жерге көшірілді.
08:03 28.07.2020
Өрт алдымен осы үйдің 4-қабатында сағат шамамен 13:15-те басталған. Жалын жоғарыдағы 5-ші қабаттағы пәтерге жайылған. Облыстық төтенше жағдай департаментінің жедел құтқару жасағының хабарлауынша, өрт туралы хабарлама сағат 13:15-те түскен. Ал, 2-ге таман өрт сөндірілген. ⠀
«Зардап шеккендер тіркелген жоқ. Өртті сөндіру жұмыстарына 3 техника мен 10 құтқарушы жұмылдырылды. 50 адам көшірілді. Өрттің неден шыққаны белгісіз», - деп хабарлады департаменттен.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
