Қазақстанда шерифтер пайда болуы мүмкін
Қазақстанда Құрама Штаттармен бірлесе отырып елімізде шериф қызметкерлерін енгізбек.
16:22 05.10.2020
Бұл туралы ҚР ІІМ Кадр саясаты департаментінің бастығы Айдар Сайтбеков министрліктің дәстүрлі брифингінде айтты.
«Біз АҚШ, Ұлыбритания мен Канада сияқты мемлекеттерде кеңінен тараған шерифтер моделін зерделеп шығуды жоспарлап отырмыз. Ол жағынан АҚШ елшілігі көмектесуге дайын. Полицияның қадамдық қолжетімділік ұстанымы бойынша полиция далада жүруі керек деген сөз емес. Полиция қажет кезінде сол орыннан табылуы керек. Оны үшке бөліп қарастыруға болады. Ол қауіпсіз жер, полиция тек қажет кезде ғана шақырылуы керек, жартылай қауіпсіз жер және полиция үнемі жүруі тиіс қауіпсіз емес жерлер», - деді ол.
Айдар Сайтбеков атап өткендей, министрлік патрульдік полицияның бағытына өзгерістер енгізіліп, олардың елді мекендердің криминалдық учаскелерінде жүруіне жағдай жасалады.
«Сондай-ақ, тәулік бойы жұмыс істейтін модульдік бекеттер орнату жоспарланып отыр. Мемлекет басшысының учаскелік инспекторлардың мәртебесін көтеру тапсырмасы бойынша, учаскелік полицияның заңнамалық тұжырымдама әзірленіп жатыр. Сондай-ақ, өңірлік әкімдіктердің көмегімен учаскелік инспекторлардың материалдық-техникалық жағдайы жақсартылып жатыр», - деді ол.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
