ШҚО-да иіс тиген екі бала көз жұмды
Шығыс Қазақстан облысында Глубокое ауданында иіс тиген екі бала көз жұмды.
18:41 09.10.2020
ШҚО Төтенше жағдайлар департаменті баспасөз қызметінің мәліметіне сүйенсек, қайғылы оқиға Секисовка ауылында орын алды. 2005 және 2013 жылғы екі қыз апайының үйінде болған. Ауа-райының қолайсыздығына байланысты сол үйде қонған олар пеш жағып, жатар кезде түтіндіктің жапқышын ашуды ұмытып кетті.
«Таңертең аналары қыздарын ес-түссіз күйде тауып, бірден жедел жәрдем шақырған. Дәрігерлер балаларды тексергенде екеуінің мерт болғанына көз жеткізді», - деп хабарлады ведомство өкілдері.
Мамандар болған жағдайдың себебі – пеш түтіндігі жапқышының жабылып қалуынан деген нұсқаны қарастыруда.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
