Коронавирус пен пневмониядан қайтыс болғандар саны артты
Қазір республика бойынша 14 мыңнан астам науқас емделіп жатыр, олардың арасында мыңнан аса бала бар.
10:44 06.12.2020
Өткен тәулікте Қазақстанда он екі адам індеттен көз жұмды, деп хабарлайды денсаулық сақтау министрлігі. Бір тәулікте 8 науқас коронавирустан, ал 4 пациент ковидтік пневмониядан қайтыс болды. Сонымен қатар, өткен тәулікте 193 адам пневмонияға шалдықты. Бірінші тамыздан бері 43 073 адам пневмониямен ауырды, 454-і көз жұмды.
Денсаулық сақтау министрлігінің мәліметінше, қазір коронавирустан 14 014 адам ем қабылдауды жалғастыруда. Олардың арасында 1 010 бала бар. Стационарларда 3 575 науқас жатыр. 10 439 адам амбулаториялық жағдайда емделуде. Науқастардың арасында 230 адамның жағдайы ауыр, соның ішінде 37-сі хәл үстінде жатыр. 30 пациент жасанды тыныс алдырту аппаратына қосылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
