Қазақстанда тағы 4 ауыл карантинге жабылды
Солтүстік Қазақстан облысында тағы төрт ауыл карантинге жабылды.
15:14 07.12.2020
Қазақстанның санитарлық-эпидемиологиялық бақылау комитеті бұл шаралар облысты коронавирус бойынша "қызыл" аймақтан шығару үшін қабылданғанын айтты. Комитет мәліметінше, Есіл ауданында 7 желтоқсаннан бастап Явленка ауылы, ал 3 желтоқсаннан бастап Ясновка ауылы қайтадан карантинге жабылды. Жұмабаев атындағы ауданда коронавирусқа байланысты Таман және Успенка ауылдарында да шектеу шаралары енгізілгені айтылады.
Комитет 9 қарашадан бастап Петропавлдың периметрі бойынша блокбекеттер орнатылғанын еске салды. Эпидемиологиялық жағдайды тұрақтандыру үшін өңірде бес ауданда 11 елді мекенді жабу туралы шешім қабылданған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
