{metadescription}

ШҚО-да мұржадан әйел мен 4 баласына иіс тиген

Өскеменде тазаланбаған мұржа салдарынан әйел адам мен оның 4 баласына иіс тиген.

16:18 07.12.2020

ШҚО төтенше жағдайлар департаменті баспасөз қызметінің мәліметіне сенсек, оқиға Авиационный көшесіндегі жер үйде болды. Таңертең оянған әйел мен балалардың басы айналған. Түске қарай олардың жағдайы күрт нашарлаған соң жәдел жәрдемге қоңырау шалады.

«Облыстық балалар ауруханасына 2018, 2015, 2013 және 2006 жылы туған балалар, ал №1 қалалық ауруханаға 1994 жылғы әйел жеткізілді. Қазіргі уақытта олардың халі жақсарды», - деп хабарлады ведомство өкілдері.

Осы ретте департамент өңір жұртшылығына өрт қауіпсіздігі талаптарын сақтап, барынша абай болу керектігін ескертеді. Мұржаның уақытылы тазартылмауынан көп жағдайда тұрғындарға иіс тиіп жататындығын ұмытпаған жөн.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!