1997 жылы екі әйелді өлтірген: полицейлер 23 жыл бұрынғы қылмысты ашты
Күдікті осы уақыт ішінде отбасын құрып, екі бала сүйген.
10:02 15.12.2020
Қазір Қазақстан полицейлері оны Ресейден экстрадициялау мәселесін шешіп жатыр. Ақмола облысының тәртіп сақшылары Ресейдегі әріптестерімен бірге 1997 жылы Көкшетауда екі адамды өлтірді деген күдікке ілінген 50 жастағы ер адамды іздеп тауып, ұстады. Тергеу мәліметінше, 1997 жылы 30 маусымда күдікті екі әйелді пышақтап тастаған. Олардың бірі оқиға орнында, екіншісі бір аптадан кейін жансақтау бөлімінде көз жұмған.
Ер адам 23 жылдан кейін ғана табылып, ұсталды. Операция Ресейдің Курган облысындағы Журавлево ауылында өтті. Осы жылдар бойы ол сонда басқа атпен өмір сүрген. Сондай-ақ, ер адам 23 жылдың ішінде отбасын құрып, екі бала сүйген. Қазіргі уақытта ол уақытша ұстау абақтысында отыр. Қазақстан полицейлері экстрадициялау мәселесін шешіп жатыр.
Дереккөз: sputniknews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
