Ақмола облысында әкім жол апатынан көз жұмды
Ақмола облысында ауыл әкімі жол апатынан көз жұмды, деп хабарлайды облыстық Полиция департаментінің баспасөз қызметі.
19:02 15.12.2020
14 желтоқсан күні сағат 23:30-да Атбасар аудандық ПБ кезекшілік бөліміне жедел жәрдем қызметінің диспетчері хабарласып, «Екатеринбор-Алматы» тасжолының бойында, Атбасар қаласынан 20 шақырым жерде жол-көлік оқиғасы болғанын айтқан.
«Алды ала мәліметтер бойынша, «DAF» жүк көлігінің жүргізушісі - Батыс Қазақстан облысы Орал қаласының тұрғыны рульге ие бола алмай қалып, жолдың қарсы бағытына шығып кеткен. Солай, «ВАЗ-21214» көлігімен соқтығысқан. Салдарынан жеңіл көліктің 51 жастағы жүргізушісі, Державинск қаласының тұрғыны алған дене жарақатынан оқиға орнында көз жұмды», - деп түсіндірді ведомстводан.
Қазір осы оқиғаға байланысты ҚР ҚК-нің 345-бабы 3-бөлігі бойынша сотқа дейінгі тергеу амалдары жүргізілуде. Сараптама тағайындалды. «DAF» жүк көлігінің жүргізушісі уақытша ұстау оқшаулағышына қамалды. Тергеу амалдары жалғасуда. Қаза болған ер адам - Мирасхан Балғабекұлы Мұратов - Ақмола облысының Жақсы ауданы Тарасовка селолық округінің әкімі. Аудан әкімдігі бұл мәліметті растады. М.Мұратов 1969 жылғы 10 мамырда дүниеге келген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
