Министрлік коронавирус пен пневмониядан қайтыс болғандардың статистикасын жариялады
Қазір 22 мыңнан астам науқас емделіп жатыр, олардың арасында 270 адамның жағдайы ауыр, 48 пациент хәл үстінде.
11:00 31.12.2020
Денсаулық сақтау министрлігі індеттен бір тәулікте қанша адам қайтыс болғанын хабарлады. Өткен тәулікте Қазақстанда коронавирустан он адам, ковидтік пневмониядан бір адам көз жұмды. Сонымен қатар, 93 адамның коронавирус белгілері бар пневмонияға шалдыққаны анықталды.
Ведомствоның ақпаратынша, қазір 22 102 науқас короновирус инфекциясынан (9 961 КВИ+ және 12 141 КВИ-) емделуде. Олардың ішінде 4 959 пациент стационарда, 17 143 науқас амбулаториялық деңгейде ем қабылдап жатыр. Науқастардың арасында 270 адамның жағдайы ауыр, 48 пациент хәл үстінде жатыр, ал 44 науқас жасанды тыныс алдырту аппаратына қосылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
