Қазақстанда коронавирус бойынша статистиканы қайта қарастырмақ

"Президент бір ай ішінде коронавирус ауруы бойынша статистикалық зерттеу мен нақты жағдайды ұсынуды тапсырды. Сіз науқастардың санын қалай санайсыз және ПТР+ (коронавирустың расталған жағдайлары) және ПТР- (расталмаған жағдайлар) статистикасы ақыр соңында біріктіріле ме?"- деп сұрады журналист ОКҚ брифингінде.

Ғиният қазір денсаулық сақтау министрлігі Ұлттық статистика бюросымен жұмыс істеп жатқанын айтты.

"Сырқаттанушылық пен өлім-жітімнің барлық жағдайларын тіркеу мен есепке алуды қатаңдату үшін құжаттарды қарастырып жатырмыз. Коронавирустық инфекцияға келетін болсақ, бүгінде барлық медициналық ұйымдар жылдық есептерді дайындап, тапсыруына байланысты, біз КВИ+ және КВИ- бар әрбір жағдайды барлық базаларда қарап, әрбір пациентті ЖСН бойынша және емдеу кезеңдері бойынша нақты қадағалаймыз. Сондықтан қазір үлкен жұмыс жүріп жатыр. Айдың соңында коронавирус туралы нақты мәліметтер болады", - деп жауап берді Ғиният.

Ол жазда көптеген пациенттер болғанын және дәрігерлер пациенттер туралы мәліметтерді уақтылы енгізуге уақыт жоқ екенін айтты. Бұл деректер кейінірек жүйеге енгізілді, сондықтан статистика уақтылы берілмеді. Инфекцияның расталған және расталмаған жағдайлары туралы статистика біріктіріле ме деген сұраққа: 

"Біз біріктіре аламыз. Енді біз КВИ+ және КВИ-  әр жағдайын бөлек қарастырамыз. Анықталған жағдайлар бойынша сұрақтар жоқ, ал КВИ бойынша - біз бірнеше рет сөйлестік, жедел деректер бердік, дәрігерлер бірнеше кезең ішінде диагноз қойды. КВИ бойынша өзгерістер болады деп ойлаймыз", - деп жауап берді Ажар Гиният.

Дереккөз: Stan.kz

Бізді Youtubе-та қараңыз! Бізді Facebook-та, Instagram-да, Telegram-да оқыңыз!