Tengri Bank қызметі заңды түрде тоқтатылды
2021 жылғы 15 ақпанда мамандандырылған ауданаралық экономикалық соттың Tengri Bank қызметін мәжбүрлеп тоқтату туралы шешімі заңды күшіне енді.
10:36 16.02.2021
Қаржы нарығын реттеу және дамыту агенттігі төрағасының бұйрығымен банкті тарату комиссиясының құрамы тағайындалған. Қолданыстағы заңнама шеңберінде оған банк ісін басқару өкілеттілігі беріледі. Банкті тарату комиссиясының төрағасы болып аталған агенттіктің қызметкері Огай Оксана Дмитриевна тағайындалды.
«Заң талаптарына сәйкес енді үш жұмыс күні ішінде банкті мәжбүрлеп тарату туралы сот шешімі және уәкілетті органның тарату комиссиясын тағайындауы туралы хабарлама көпшілікке жария етіліп, оның ішінде банктің интернет-ресурсында да орналастырылады. Ал он жұмыс күні ішінде бұл ақпаратты Қазақстан Республикасы Әділет министрлігінің ресми басылымдары қазақ және орыс тілдерінде жариялауға тиіс», - деп хабарлады Қаржы нарығын реттеу және дамыту агенттігінің баспасөз қызметі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
