{metadescription}

Қайғылы оқиға болды: екі ВАЗ көлігі бетпе-бет соқтығысты

ВАЗ-2114 қарсы жолаққа шығып кетіп, басқа көлікпен соқтығысты.

10:39 06.04.2021

Жүргізушілердің бірі көз жұмып, бірі ауруханаға жеткізілді. Алматы облысында жол апаты адам өмірін қиды, деп хабарлайды Sputnik Қазақстан. Қайғылы оқиға Алматы облысының Жамбыл ауданындағы Ұзынағаш ауылында болды.

ВАЗ-2114 автокөлігі Қарасай батыр көшесімен келе жатқан. Осы кезде жаяу жүргінші "зебра" арқылы жолдан өтуге ыңғайланады. Жүргізуші адамды қағып кетпеу үшін рөлді бұрып, қарсы жолаққа шығып кеткен. Салдарынан ВАЗ-2107 автокөлігімен бетпе-бет соқтығысқан.