Таңертең үйіне келген әйел үш немересінің мәйітін тапты
Американың Калифорния штатында әйел өзінің үш баласын өлтірді деген күдікке ілінді.
20:08 11.04.2021
Қайтыс болған сәбилер бес жасқа толмаған. Американың Калифорния штатының полициясы өзінің үш баласын өлтірді деген күдікпен Лос-Анджелес тұрғынын ұстады. Мәйіттерді сенбі күні таңертең пәтерге келген әжесі тапқан. Болжам бойынша балалар пышақ жарақатынан көз жұмған.
Полиция олардың анасы 30 жастағы Лилиана Каррильоны іздестіру шараларын жүргізді. Күдікті Калифорнияның орталығында, мәйіттер табылған пәтерден төрт сағаттық жерде ұсталды. Құқық қорғау органдары қылмыс себебін әлі анықтаған жоқ. Сондай-ақ Каррильоның балалармен бір пәтерде тұрып-тұрмағаны да белгісіз.
Дереккөз: sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
