Түркістан облысында жоғалып кеткен 60 жастағы ер адам күтпеген жерден табылды
Полицейлері Темірлан ауылында рейд жүргізу кезінде түнгі уақытта көшеде келе жатқан ер адамды тоқтатып, аты-жөнін сұраған.
09:36 14.04.2021
Түркістан облысының полицейлері жоғалған 60 жастағы ер адамды тапты, деп хабарлады Polisia.kz. Ордабасы полицейлері Темірлан ауылында рейд жүргізу кезінде түнгі сағат 03:00 шамасында көшеде келе жатқан ер адамды тоқтатып, аты-жөнін сұраған. Егде жастағы жаяу жүргінші өзінің атын білмейтінін айтқан. Сонымен қатар сөйлеген сөздері де анық болмаған. Содан соң оның жеке басын анықтау мақсатында Ордабасы АПБ-не жеткізген.
Осылайша егде жастағы кісінің Шымкент қаласының ПД-де із-түзсіз жоғалғандар бойынша тіркеуде тұрған 60 жастағы Шымкент қаласының тұрғыны екені анықталды. Полиция қызметкерлері науқас кісінің туған-туыстарын іздестіріп, оларға хабар берген. Көп ұзамай ұлы Ордабасы АПБ-не келіп, полиция қызметкерлеріне өзінің алғысын білдіріп, әкесін алып кетті.
"Әкем үйден себепсіз шығып, жоғалып кеткен еді. Бүгін міне, түнгі сағат 04:00-де Ордабасы АПБ-ның полиция қызметкерлері тауып беріп отыр. Полицейлерге алғысымды айтамын", - деді Ержан Асанбеков.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
