Тоқаев кішкентай қазақстандықты құтқарған түрік дәрігерін марапаттады
Дәрігер Режеп Шекер ұшақ ішінде жүрек талмасы ұстаған қазақстандық нәрестеге шұғыл көмек көрсеткен.
12:17 20.05.2021
Қазақстанның Түркиядағы елшісі Абзал Сапарбекұлы ұшақта қазақстандық сәбиді құтқарған түрік дәрігері Режеп Шекерге президент Қасым-Жомарт Тоқаевтың атынан Құрмет грамотасын табыстады, деп хабарлайды сыртқы істер министрлігінің баспасөз қызметі.
Осыдан бірнеше ай бұрын Бішкектен Ыстанбұлға ұшып келе жатқан қазақстандық нәрестенің жүрегі сыр бергені туралы ақпарат тараған. Мұны естіген борттағы түрік депутаты әрі дәрігер Режеп Шекер жасанды тыныс алдырып, жүрегіне массаж жасап, сәбиді аман алып қалады.
Қазақстан президенті Қасым-Жомарт Тоқаев Режеп Шекерге "Ерекше батылдығы үшін" алғыс хатын жөнелтті. Салтанатты шараға Түркия Ұлы ұлттық Мәжілісінің депутаттары мен қызметкерлері қатысты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
