{metadescription}

Әлемде коронавирустың таралуы 15% төмендеді

Өткен аптада Дүниежүзілік денсаулық сақтау ұйымы (ДДСҰ) әлемде коронавирусқа шалдығу деңгейі 15 пайызға төмендегенін мәлім етті.

18:50 09.06.2021

Бұл туралы Дүниежүзілік денсаулық сақтау ұйымы хабарлайды. Ұйым сайтында жарияланатын бюллетеньге сәйкес, өткен аптада әлемде вирусқа шалдығудың 3 миллионнан астам дерегі (3 016 005) мен одан қайтыс болудың 73 мыңнан астам жағдайы тіркелген. ДДСҰ мәліметінше, ауыр вирустан өлім-жітім оқиғаларының саны да 8 пайызға азайған.

Вирусқа шалдығу деңгейінің ең көп төмендеуі Оңтүстік-Шығыс Азия (31%) мен Еуропада (17%) тіркелген. Онымен бір мезгілде Африкада керісінше, 25 пайызға артқан. Солтүстік және Оңтүстік Америка тіркелген оқиғалар саны жағынан көш бастап тұр – мұнда өткен аптада індетті жұқтыру көрсеткіші 1,1 миллионға жеткен. Екінші орында Оңтүстік Шығыс Азия орналасқан (бір миллионнан астам жаңа оқиға). Үшінші орында - Үндістан (914 мыңнан астам адам).

ДДСҰ сондай-ақ 2021 жылғы 7 маусымдағы жағдай бойынша, әлемде коронавирус инфекциясына қарсы вакцинаның 2,09 миллион дозасы салынғанын қосып өтті.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!