{metadescription}

Қызылордада жасөспірім каналға суға батып кетті

Қызылорда облысында 15 жастағы жасөспірім каналға суға батып кетті.

13:12 10.06.2021

Оқиға бүгін Арал ауданына қарасты Қаратерең елді мекені аумағында орналасқан Тасарық каналында болды. Бұл жөнінде хабарлама төтенше жағдайлар саласына сағат 17.35 шамасында түскен.

«Жасөспірім рұқсат етілмеген орында шомылған. Оның жансыз денесі туысқандарының көмегімен судан шығарылған», - деп мәлім етті облыстық Төтенше жағдайлар департаменті Өрт сөндіру және авариялық құтқару жұмыстары қызметінен.

Еске салсақ, Қызылорда облысында бүгінге дейін жыл басынан бері су айдындарында 15 адам қаза болған. Олардың арасында 9-ы кәмелет жасқа толмағандар. Былтыр дәл осы кезеңде 12 адам көз жұмса, олардың 4-і бала.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!