Футболдан Еуропа чемпионатының үздік ойыншысы анықталды
УЕФА футболдан 2020 жылғы Еуропа чемпионатының үздік ойыншысы анықталды.
13:15 12.07.2021
Турнирдің үздік ойыншысы деп Италия құрамасының қақпашысы Джанлуиджи Доннарумма танылды. Қақпашы өзінің небәрі 22 жаста екеніне қарамастан ұлттық құрама сапында 33 кездесуде жасыл алаңға шығып үлгерген. Биылғы Еуро чемпионатында ол алаңда 719 минут ойнап, барлық ойыншыдан көп алаңда уақыт өткізген.
Италия өткізген жеті матчтың үшеуінде қақпасын құрғақ ұстаған. Ал жалпы қақасына 4 гол жіберіп, 9 сэйв жасаған.
Еске сала кетейік, 11 шілде күні Италия құрамасы ЕУРО-2020 финалында пенальтиден Англияны жеңіп, Еуропаның чемпионы атанғанын хабарлаған болатынбыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
