Алматыда Hayat-Vax және CoronaVac вакциналары таусылды
Алматыда коронавирусқа қарсы Hayat-Vax және CoronaVac вакциналары таусылды.
17:41 12.07.2021
Бұл туралы қалалық қоғамдық денсаулық сақтау басқармасының басшысы Нариман Табынбаев айтты. 1 ақпаннан 11 шілдеге дейін вакцинаның бірінші компонентін 585 116 алматылық алды. Өткен тәулікте 9418 адам егілді. Қалада 212 вакцинация пункті жұмыс істейді, 1260 адамнан тұратын 308 егу бригадасы жұмыс істейді.
«Қалада вакцина қоры жеткілікті. Бұл «Sputnik V» вакцинасына қатысты. «Hayat-Vax» және «CoronaVac» өкінішке орай, қазір жоқ», - деді спикер
Сонымен қатар, ол соңғы 10 күнде ауруханалардағы науқастардың саны 2,5 есе өскенін атап өтті.
«Жалпы реанимация және қарқынды терапия бөлімшесінде науқастардың саны 10 күннің ішінде 50-ден 121-ге дейін, яғни 2,4 есеге көбейді. Бүгінгі таңда БМСК және Телемедицина орталығы дәрігерлерінің бақылауында 3 255 пациент бар, ал ауруханалар мен үйде 40 жасқа дейінгі жастар санының күрт өсуі байқалды»,- деді ол.
Бүгінгі таңда Алматыда 212 вакцинация пункті жұмыс істейді. 308 вакцинация бригадасында 1 260 медицина қызметкерлері жұмылдырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
