Air Astana ұшағы Алматы әуежайына қайта қонуға мәжбүр болды
Алматы-Тбилиси бағытында ұшқан әуе кемесі көп ұзамай найзағай түсуі мүмкін деген себеппен әуежайға оралды.
Фото: Bayne Stanley / ZUMAPRESS.com / Global Look Press)
11:13 10.08.2021
Алматы әуежайынан Тбилисиге ұшқан Air Astana ұшағы қайта қонуға мәжбүр болды, деп хабарлады әуе компаниясы. Алматы–Тбилиси бағыты бойынша KC139 рейсі 9 тамызда кешке аттануға тиіс болған. Ұшақ жергілікті уақыт бойынша сағат 20.30-да ұшты, алайда көп ұзамай найзағай түсуі мүмкін деген себеппен әуежайға оралды.
«9 тамызда «Алматы-Тбилиси» бағдары бойынша KC139 рейсін орындайтын борт сағат 20:30 кезінде ұшып, найзаға түсті деген күдікпен қайта оралды. Ұшақ штаттық режимде қонды. Зардап шеккендер болмады. Бортты ауыстырғаннан кейін, жолаушылар сағат 00:40-та аталған бағытта қайта ұшып шықты. Ұшаққа қатысты инспекция жүргізіліп, назағай түсу жағдайы анықталмады. Осы орайда әуе кемесі рейстерде пайдалануға жіберілді», - деп нақтылады баспасөз қызметі.
Ұшақ қайта қолданысқа берілді. Бұған дейін әлеуметтік желі қолданушысы әуеге көтерілген ұшақ 40 минуттан кейін Алматы әуежайына қайта оралғанын жазды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
