{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Мәдениет және спорт министрінің бұрынғы орынбасарына қатысты үкім шықты
Алматыдағы Түрксіб аудандық соты Мәдениет және спорт министрінің бұрынғы орынбасары Сәкен Мұсайбековке қатысты үкім шығарды.
13:41 12.08.2021
Сәкен Мұсайбеков Қылмыстық кодекстің 190-бабы 3-бөлігінің 1-тармағы бойынша ірі көлемде алаяқтық жасады деп айыпталған болатын.
«Сот оның Мәдениет және спорт вице-министрі ретінде 2021 жылғы 18-21 ақпан аралығында ауыр сыбайлас жемқорлық қылмыс жасағанын анықтады. Мұсайбеков пен Алматы қаласы прокурорының орынбасары арасындағы кінәні мойындау туралы процессуалдық келісім бойынша прокурор соттан Мұсайбековке пара сомасының он есе мөлшерінде - 62 394 00 теңге айыппұл түрінде жаза тағайындау туралы өтініш жасады», - деп түсіндірді Түрксіб аудандық соты.
Сот экс-шенеунікті кінәлі деп танып, прокурордың талабын қанағаттандырды.
«2021 жылдың 7 айында мәдениет және спорт саласындағы қызметкерлерге қарсы 40 қылмыс тіркелді, олардың 27-сі аяқталды, 25-і сотқа жіберілді. Аталған қылмыстар бойынша 8 адам сотталды. Мәдениет және спорт министрлігі үшін бөлек алатын болсақ, 2020 жылы және осы жылдың 7 айында сот тергеуде 15 қылмыс болған. Негізінен бұл қылмыстар ұрлық, қызмет бабын теріс пайдалану, пара алу және қызметтік алаяқтықпен байланысты», – дейді Сыбайлас жемқорлыққа қарсы қызметтің ерекше маңызды істері бойынша тергеуші Данияр Биғайдаров.
Еске салсақ, ақпан айының аяғында Мәдениет және спорт вице-министрі болған сәке Мұсайбеков қызметтік лауазымын пайдаланып, букмекерлік саланың мүддесін қорғады деген күдікке ілінген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
