{metadescription}

Алматыда гидравликалық сынақ кезінде құбыр жарылды

Алматыда гидравликалық сынақ шарасы кезінде жылу құбыры жарылды.

14:13 06.09.2021

«Медеу ауданындағы Достық даңғылы мен Жібек жолы көшесінің қиылысында жылу жүйелерін гидравликалық сынау кезінде жердің бетіне ыстық су шықты. Ол адам өмірі мен денсаулығына қауіп төндірген жоқ», - деп хабарлады «Алматы жылу желісі» ЖШС.

Айта кетейік, жылу желісі бүгін таңғы сағат 6-лар шамасында жарылды. Оның температурасы +65 градустан асқан жоқ. Инженерлік-техникалық жұмысшылар жағдайды дер кезінде бақылауға алды.

«Жарылған құбырдың диаметрі 200 мм. Тозығы жеткен құбыр 1988 жылы төселген. Қазір мамандар істен шыққан жылу желісін ауыстырып жатыр», - деп атап өтті компаниядағылар.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!