Тоқаев Паралимпиада жүлдегерлерін марапаттады
Жазғы Паралимпиада ойындарының чемпионы Давид Дегтярев ІІІ дәрежелі "Барыс" орденімен наградталды.
Фото: ©REUTERS
20:03 06.09.2021
Мемлекет басшысы Қасым-Жомарт Тоқаев Паралимпиада жүлдегерлерін марапаттау туралы жарлыққа қол қойды. Құжат Ақорда сайтында жарияланды.
"Токио-2020 ХVI Жазғы Паралимпиада ойындарындағы аса үздік спорттық жетістіктері үшін "Қазақстан Республикасының Ұлттық Паралимпиадалық комитеті" ҚБ нұсқаушы-спортшыcы Давид Мамиевич Дегтярев ІІІ дәрежелі "Барыс" орденімен наградталсын", - делінген жарлық мәтінінде.
Токио-2020 ХVI Жазғы Паралимпиада ойындарындағы аса үздік спорттық жетістіктері үшін наградтау туралы жарлыққа қол қойды:
- ІІІ дәрежелі "Барыс" орденімен Давид Дегтяревті;
- "Парасат" орденімен Зарина Байбатинаны, Теміржан Дәулетті және Ануар Сәриевті;
- "Құрмет" орденімен Нұрдәулет Жұмағалиді.
Токиодағы Паралимпиадада Қазақстан құрамасы бес медальға ие болған: пауэрлифтингтен Давид Дегтярев алтын, дзюдошылар Әнуар Сариев, Теміржан Дәулет және Зарина Байбатина күміс, ал жүзуші Нұрдәулет Жұмағали қола медаль жеңіп алған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
