Жәнібек Әлімханұлы экс-чемпионды нокаутқа түсірді
Қазақстандық боксшының жарқын жеңісі WBO Global титулын қорғап қалуға мүмкіндік берді.
11:19 21.11.2021
Орта салмақтағы қазақстандық боксшы Жәнібек Әлімханұлы бұрынғы әлем чемпионы франциялық Хассан Н'Дам Н'Жикамды жеңді. Жекпе-жек Лас-Вегастағы бокс кешінде өтті. Қос спортшының айқасы он раундқа есептелген.
Үшінші раундта қазақстандық бірнеше соққыдан кейін экс-чемпионды нокдаунға түсірді. Бірақ Хассан Н'Дам жекпе-жекті жалғастырды. Осыдан кейін Әлімханұлы қарсыласын соққының астына алды. Сегізінші раундта төреші жекпе-жекті тоқтатып, отандасымыз жеңіске жетті.
Бірде бір рет жеңілмеген қазақстандық кәсіпқой бокстағы 11-ші жеңісіне қол жеткізді. Ал 38 жекпе-жегін жеңіспен аяқтаған Н'Дам бұл жолы алтыншы мәрте жеңіліске ұшырады. Осылайша Әлімханұлы өзінің WBO Global белдігін қорғап қалды. Сондай-ақ ол WBC Continental титулына ие.
Еске салсақ, бокс кешінің басты оқиғасы америкалықтар Теренс Кроуфорд (37-0, 28 КО) пен Шон Портер 31-3-1, 17 КО) арасындағы жекпе-жек болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
