Алматы облысының полициясы соққыға жығылған оқушыға қатысты түсінік берді
Алматы облысында полиция соққыға жығылған оқушыға қатысты оқиғаға түсінік берді.
16:01 10.12.2021
Алматы облыстық Полиция департаментінің мәліметінше, 6 желтоқсанда Еңбекшіқазақ ауданы Рахат ауылдық округінде оқушылар арасында жанжал туындаған.
«Тексеру барысында оқиғаның сабақтан кейін, сағат 13:30-да №1 мектептің 10 және 11-сынып оқушылары арасында болғаны анықталды. Аталған факті бойынша ҚР ҚК-нің 293-бабы бойынша сотқа дейінгі тергеу жұмыстары басталды (бұзақылық)», - деді полициядан.
Тергеу аясында сот-медициналық сараптама тағайындалды. Тергеу барысын ПД басшылығы өз бақылауына алған. Аталған факті бойынша материалдар кәмелетке толмағандардың құқығын қорғау жөніндегі комиссияға жіберіледі.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
