Бүгін Президент Тоқаев Мәжіліс отырысына қатысады

Президент баспасөз хатшысы Берік Уәлидің мәліметінше, бүгін сағат 11.15-те Мемлекет басшысы бейнебайланыс арқылы Парламент Мәжілісінің отырысына қатысып, еліміздің жаңа премьер-министрінің кандидатурасын ұсынады. Жиынды "Хабар 24" телеарнасы тікелей эфирде көрсетеді.

Бұған дейін ҰҚШҰ Ұжымдық қауіпсіздік кеңесінің кезектен тыс сессиясында 11 қаңтарда Парламентке Үкіметтің жаңа құрамы жөнінде ұсыныс енгізетінін және әлеуметтік-экономикалық саладағы проблемаларды шешу жөнінде нақты міндеттер қоятынын атап өткен.

Сондай-ақ, кадрлық өзгерістер туралы Президенттің баспасөз хатшысы Берік Уәли айтқан болатын.

5 қаңтарда Президент Қасым-Жомарт Тоқаев Үкіметті отставкаға жіберу туралы Жарлыққа қол қойды. Премьер-министрдің міндетін атқару уақытша Әлихан Смайыловқа жүктелді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!