ШҚО-да заңсыз сақталған 30-дан астам қару тәркіленді
Шығыс Қазақстан облысының полиция қызметкерлері заңсыз сақталған 30-дан астам қаруды тәркіледі.
18:43 10.02.2022
ШҚО Полиция департаменті баспасөз қызметінің мәліметіне сүйенсек, тәртіп сақшылары «Құқықтық тәртіп» жедел алдын алу шарасы аясында заңсыз айналымдағы атыс қаруларын тәркілеп жатыр.
«Өңірде шара басталғалы бері 30-дан астам түрлі қару тәркіленді. Атап айтқанда, 4 шолақ мылтық, 7 ойық винтовка, 2 тапанша, оның ішінде қолдан жасалған револьвер, 22 тегіс ұңғылы мылтық, РГД-5 әскери гранатасы бар. Бұл қару-жарақ арсеналдары кез-келген уақытта заңсыз әрекеттер жасау кезінде пайдаланылуы мүмкін еді», - деді облыстық ПД бастығының орынбасары Талғат Шаяхметов.
Оның айтуынша, тегіс ұңғылы қаруды сақтаған адамдар ҚР ӘҚБтК-нің 482-бабы бойынша әкімшілік жауапкершілікке тартылған. Травматикалық және ойық қаруды заңсыз ұстаған азаматтарға қатысты ҚР ҚК-нің 287-бабына сәйкес сотқа дейінгі тергеу амалдары жүргізілуде.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
