Наурыз айында қазақстандықтар неше күн демалады
2022 жылдың наурыз айында қазақстандықтар 12 күн демалады.
14:38 18.02.2022
Биыл Халықаралық әйелдер күні – 8 наурыз сейсенбі күніне түседі және демалыс күні болып есептеледі. Ал дүйсенбі – 7 наурыз күні де қатар демалу үшін жұмыс күні 5 наурыз – сенбіге ауыстырылды.
2022 жылдың демалыс күндерін ауыстыру туралы қаулыға өткен жылдың қазан айында сол кездегі Үкімет басшысы Асқар Мамин қол қойды. Тиісінше, қазақстандықтар 5 наурызда жұмыс істеп, халықаралық әйелдер күніне 6, 7, 8 наурыз күндері үш күн демалады.
19-20 наурыз күндері сенбі-жексенбіге сай келеді және Наурыз мерекесі құрметіне 21, 22, 23 күндері де демалыс болады.
Осылайша, жалпы сенбі-жексенбі күндерін қосқанда, қазақстандықтарды наурыз айында 12 демалыс күні күтіп тұр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
