Павлодар облысында жол апатынан 3 адам қаза тапты
Павлодар – Қызылорда тасжолында жол-көлік оқиғасы салдарынан 3 адам мерт болды.
10:08 07.04.2022
Одан бөлек 2 зардап шеккен адам ауруханаға жеткізілді. Жол апаты 6 сәуір күні сағат 16:45-те Екібастұз қаласынан 20 шақырым жерде болды.
«Павлодар- Қызылорда тасжолының 1279-шы шақырымында 32 жастағы Chevrolet Cobalt маркалы автомобильдің жүргізушісі рульге ие бола алмай, көлікке соғылып, аударылды. Апат салдарынан көліктегі 1966, 1976 және 2008 жылы туған жолаушылар сол жерде қайтыс болды», - делінген хабарламада.
Полиция департаментінің мәліметінше, жарақат алған көлік жүргізушісі мен тағы бір жолаушы ауруханаға жеткізілді.
«Аталған факті бойынша ҚР Қылмыстық кодексінің 345 бабының 4 тармағына сәйкес соталды тергеу шарасы жүріп жатыр», - дейді аталған ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
