{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Екі облыс сары аймаққа өтсе, автобуста маска тағу керек болады
Бүгін Өңірлік коммуникациялар қызметінің алаңында Алматы облысы санитарлық-эпидемиологиялық бақылау департаментінің басшысы Ерғали Сыдыманов Алматы облысы мен Жетісу облысындағы эпидемиологиялық жағдай туралы баяндап берді
Фото: khabar.kz
18:16 05.07.2022
Айтуынша, бүгінде екі облыста да коронавирустық инфекцияның өсу қарқыны байқалады. Яғни, өткен аптамен салыстырғанда Жетісу облысында 0,0004-тен 0,003-ке дейін өсті, ал Алматы облысында бұл көрсеткіш 0,001-ден 0,02-ге дейін жеткен.
«Пандемия басталғалы екі өңірде коронавирустық инфекцияның 69 606 жағдайы тіркелді. Өткен тәулікте Қарасай және Іле аудандарында 3 жағдай және Сарқан ауданында 1 жағдай тіркелді. Облыстар «жасыл» аймақта. Халықты вакцинациялау жұмыстары да жалғасуда», - деді Ерғали Жақсыбайұлы.
Спикердің мәліметтеріне сүйенсек, бүгінгі таңда өңірлерде 366 егу пункті және 67 жылжымалы пункт жұмыс істейді. Екі облыстың тұрғындары үшін вирусқа қарсы препараттардың үш түрі қолжетімді: QazCovid-in, SinopharmVeroCell және Comirnaty (Pfizer).
Егер, эпидемиологиялық ахуалдың одан әрі нашарлағаны байқалатын болса, келесі шаралар қолданылмақ:
- науқаспен тығыз қарым-қатынаста болғандарды қашықтан жұмыс істеу форматына көшіру;
- COVID-19 вакцинасына түбегейлі қарсы көрсетілімдері бар қызметкерлер мен жүкті әйелдерді қашықтан жұмыс істеу форматына ауыстыру;
- жабық жерлер мен қоғамдық көлікте міндетті түрде маска тағу;
- 10 адамнан астам қатысушысы бар жиналыстарды онлайн форматта өткізуді ұсыну.
Сондай-ақ эпидемиологиялық қауіптілік аймағына қарамастан, әуе, ТЖ көліктері мен халықаралық автобус тасымалдарында маска тағу ұсынылады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
