Шымкентте 1 жасар сәби бассейнге құлап, суға батып кетті
Шымкентте 1 жасар бала бассейнге құлап, суға батып кетті.
Фото: 123ru.net
11:45 15.07.2022
Оқиға Абай ауданы, Қызылжар шағын ауданы, Бершінтөбе көшесінде орналасқан жеке тұрғын үйде болған. Аулада қараусыз қалған сәби бассейнге құлап кеткен. Ата-анасы қасында болмаған. Қазіргі таңда оқиғаның мән-жайы анықталуда.
Ал, Шымкент қаласының ТЖД сақтық шараларды әрдайым сақтау керектігін ескертеді.
«Балаларға судың жанында ересек адамның қарауынсыз бір минутқа қалуға мүмкіндік бермеу қажет. Нәрестелер мен 5 жасқа дейінгі балалар анатомиялық ерекшеліктеріне байланысты суға батуға бейім. Олардың денесімен салыстырғанда басы салыстырмалы түрде ауыр, ауырлық орталығы жоғары, сондықтан олар бассейнде, теңізде, ваннада және т.б. оп-оңай суға батып кетуі мүмкін», - дейді Шымкент қаласы ТЖД қоғаммен байланыс тобы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
