Алакөлде ер адам демалушыларға шабуылдаған: 8 жастағы қыз зардап шекті
Алакөлде ер адамның шабуылынан зардап шеккен 8 жастағы қызға амбулаторлық ем тағайындалды. Ол жергілікті ауруханада жатыр, деп хабарлайды Tengrinews.kz.
12:32 15.07.2022
Облыстық денсаулық сақтау басқармасының баспасөз қызметі мәліметінше, ауруханаға түскен қыздың миына компьютерлік томография жасалған.
"Алакөл аудандық ауруханасына 2014 жылы туған науқасты ата-анасы әкелді. Оны дәрігер мен кезекші хирург тексерді. Миына томография жасалды. Диагноз - оң жақ маңдай аймағының жыртылуы, оң жақ маңдай-шүйке аймағының көгеруі. Амбулаторлық ем тағайындалды", - деді ведомствоның баспасөз қызметіндегілер.
Қыздың өміріне қауіп төніп тұрған жоқ. Ол дәрігерлердің жіті бақылауында. Қашан шығатыны әлі белгісіз.
Алакөл жағалауында белгісіз ер адам демалушыларға тас лақтырғаныхабарланған болатын. Шабуыл салдарынан 8 жастағы қыз зардап шеккен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
